ماهو الكمبوند وما هي أنواع الوحدات داخل الكمبوند؟

أولا: الكمبوند هو عبارة عن مجمع سكني مغلق بسور وله بوابات أمن وحراسة وبه كل الخدمات التي تحتاج لها كساكن وأماكن ترفيهية وتختلف حجم الخدمات من كمبوند لآخر علي حسب حجمه والشركة المنفذة له وعلي حسب تنوع الوحدات بداخله فهناك كمبوندات عمارات فقط وهناك كمبوندات فلل فقط وهناك كمبوندات تشتمل علي شقق وفلل وتاون هاوس وتوين هاوس.

ثانيا: أنواع الوحدات داخل الكمبوند:

1- الشقق السكنية:  وهي عبارة عن وحدات سكنية داخل عمارة ساكنية وبيكون فيها عدد معين من الغرف والحمامات وتختلف إتجاهاتها وأدوارها.

2- البنتهاوس:  دى بقى شقة بتبقى فى أعلى أدوار المبنى و بيبقى ليها ملحق فى سطح المبنى عادة ما بيكون فيه حمام سباحة و تراس و ممكن كمان يحتوى على غرفة و حمام.

3- الدوبلكس:  دى بقى زى الشقق السكنية بس بتختلف عنها فى إنها بتتكون من دورين متتاليين و متصلين ببعض بسلم داخلى.

4- التاون هاوس:  ودي بتكون فلل متصلة بحديقة صغيرة  و المصطلح ده بيدل على منازل جمب بعضها "متجاورة " فى صف مخطط.

5- التوين هاوس:  و دى بتكون فيلا شبه متصله  بمعنى أنه بيتقاسمها 2 من السكان بس لكل واحد منهم مدخل خاص به و حديقة من 3 جوانب و ملهاش غير جار واحد بس و بيكون ليها بوابة خاصة.
- يعنى التوين هاوس و التاون هاوس دول نوعين مختلفين من الفلل و الفيلا هى منزل مستقل و بيكون له حديقة خاصة.

6- الفلل المنفصلة:  و دى عبارة عن وحدة مستقلة و بيكون ليها حديقة خاصة و بوابة خاصة بيها و سور يحيط بيها من جميع الجوانب ، و بيكون بداخل الواحدة كل الخدمات السكنية يعنى مطبخ و حمام و غرف معيشة و إستقبال و عادة ما بيكون الفيلا المستقلة من طابقين أو ثلاثة طوابق.

شارك المعلومة    "فيد وإستفيد"