عايز تتعرف علي مدينة بدر؟

المدن الجديدة / عايز تتعرف علي مدينة بدر؟

عايز تتعرف علي مدينة بدر؟

28 نوفمبر 2015
عايز تتعرف علي مدينة بدر؟

عايز تتعرف علي مدينة بدر؟

ناس كتير إختلفت علي مدينة بدر وإنقسمو لفريقين الأول بيقول:

 إنها مدينة سيئة وبها مناطق صناعية  كتير والعمارات فيها سيئة والإسكان مش أد كده والشقق مش مميزة  والعقارات بشكل عام والإستثمار فيها مش قوي ومعدل الزيادة فيه ضعيف وبيأكد كلامهم أن الشقق في بدر أسعارها رخيص يعني الشقة في بدر مثلا ممكن تكون بنص تمن شقة في الشروق أو هليوبوليس الجديدة والفريق ده حجته مش ضعيفة خاصة إن بدر فعلا فيها مصانع كتير والشقق فيها رخيصة والفلل كمان مش غالية أوي.

والفريق التاني بيقول:

 إن علي الرغم من إن الشقق والفلل والعقارات بشكل عام في بدر رخيصة إلا إنها مدينة مش سيئة زي ما الناس متخيلاها وعلي الرغم من وجود مناطق صناعية في بدر والظاهرة دي مش موجوده مثلا في الشروق أو في هليوبوليس الجديدة لكن حجتهم إن مصانع بدر صناعات خفيفة مش مصانع يعني بالمعني المعروف وبالنسبة إن الشقق رخيصة في الوقت الحالي في بدر فده راجع لتأخر العمران بالمدينة لإنها مدينة قديمة شوية يمكن قرار إنشائها كان من سنة 1982 ولإن الجهاز بتاعها ضعيف شوية ومش سريع في تنفيذ الخدمات والمرافق وبيقولو كمان أن المناطق الصناعية في بدر مش قريبة أوي من الأحياء السكنية يعني مستقلة عنها وأنها متمركزة في المدينة من الأعلي في إتجاه طريق الإسماعيلية وإن بدر زي ما فيها إسكان متوسط وإسكان إقتصادي وإسكان شعبي فبرده فيها إسكان فاخر وراقي جدا وفيلات بمستوي جيد جدا يعني المدينة شاملة كل المستويات السكنية وهما شايفين إن ده شئ مش وحش.

وإحنا بنقول إن الأتنين صح الفريق الأول حجته مش ضعيفة وده غالبا بيكون الناس اللي بتحب تكون عايشة في مجتمع من نوع واحد بشكل واحد وبيناسبهم أكتر عيشة الكمبوند أو المدن السكنية اللي أشبه بالكمبوند المغلق زي هليوبوليس الجديدة وده حقهم لإنها في الأول وفي الأخر أذواق.

والفريق التاني برده شايفين مميزات ناس كتير مش شايفاها في بدر زي إنها مثلا هي الأقرب للعاصمة الإدارية الجديدة وزي إن الدائري الإقليمي بيمر ببدر من طريق العين السخنة لطريق مصر الإسماعيلية  وزي أن أسعارها في المتناول وإنها برده مدينة منظمة حتي لو مكانتش زي التجمع الخامس ولكنها مدينة جيدة وفقا لأسعار العقارات والشقق فيها .

وإحنا قلنا رأينا قبل كده لما إتكلمنا عن الشروق وعن هليوبوليس الجديدة وقلنا إن كل مدينة ليها طابع خاص بيميزها عن غيرها من المدن الجديدة ولولا إختلاف الأذواق لبارت السلع وعموما بدر مدينة مش سيئة زي ما الناس متخيلة مدينة بدر أسعار الشقق فيها والفلل بيزيد لإنها فعلا الأقرب للعاصمة الإدارية الجديدة ولإنها أمام كمبوند شركة مدينة نصر اللي بعد مدينتي وده لسه تحت الإنشاء ولإن الدائري الإقليمي بيمر بيها ولإن بها مرافق ولإنها علي طريق السويس اللي الحكومة مهتمة بيه إهتمام كبير جدا عشان قناة السويس الجديدة والعاصمة الإدارية.

وعلي فكرة المدينة بها خدمات جيدة وبها مستشفيات وحدائق وخدمات المواصلات بها جيدة جدا وخطوط المواصلات بها:

  • خط بدر - رمسيس
  • خط بدر - مدينة السلام    
  • خط بدر - ألماظة          
  • خط بدر -  ك4.5
  • خط بدر - العاشر من رمضان   
  • خط بدر -  السيدة عائشة
  • خط بدر - الشروق وهليوبوليس (داخلي)

وبالنسبة لمخطط المدينة تبلغ مساحة الكتلة العمرانية للمدينة 12.3 ألف فدان وتبلغ المساحة الإجمالية 18.5 ألف فدان. من المنتظر أن يصل عددالسكان بالمدينة إلى450 ألف نسمة عام 2022. تبلغ مساحة النشاط السكنى للمدينة 5.4 ألف فدان مقسمة إلى مجموعة من الأحياء تشتمل على جميع مستويات الإسكان (اقتصادي - متوسط - فوق متوسط - فاخر) كما توفر الهيئة قطع الأراضي السكنية للأفراد وأيضا للشركات الاستثمارية والمنتجعات السكنية وكذلك المشروعات الرائدة مثل مشروع إسكان مبارك ومشروع إسكان جمعية المستقبل ومشروعات الإسكان الحر والإسكان العائلي.

ومن أشهر الجامعات اللي موجودة دلوقتي في بدر الجامعة الروسية واللي وافق علي إنشائها جهاز المدينة التابه لهيئة المجتمعات العمرانية وقام بإعطائها أرض شاسعة لبناء الجامعة وتخصيص جزء لطب الأسنان بها وفي 3 جامعات اخري ببدر غير الجامعة الروسية بجانب أرض المعارض اللي تم نقلها لمدينة بدر بخلاف المنطقة الترفيهية الكبيرة ببدر.

كمان قرر وزير الإسكان مؤخرا عمل خطة شاملة لتطوير مدينة بدر قبل إنشاء العاصمة الإدارية الجديدة علي طريق السويس.

حيث أكد الوزير أنه فى الوقت اللي اهتمت فيه هيئة المجتمعات العمرانية الجديدة  وجهاز المدينة  بتنفيذ مشروعات جديدة فى المدينة  وضخ  إستثمارات ضخمة  لم تنسي تطوير الأحياء القديمة التى لم يتم تطويرها منذ إنشاء المدينة  وذلك لرفع المستوى المعيشى لسكان المدينة بالكامل حيث قال المهندس مصطفى فهمى رئيس جهاز المدينة أنه  بالنسبة لتطوير الأحياء القديمة والتى إشتملت علي أعمال النظافة والإنارة ورفع الكفاءة فقد تم صرف 30.1 مليون جنيه لتطوير 3 مناطق  أولها منطقة الزلازل ضمن تطوير الحى الأول بإجمالى تكلفة 12 مليون جنيه  ثم منطقة صبحى حسين بتكلفة إجمالية 10.5 مليون جنيه ومنطقة الحى المتميز بتكلفة إجمالية 7.6 مليون جنيه ووضح رئيس الجهاز أنه تم توصيل المرافق لـ 2000 فدان خلال خطة العام المالى الحالى تمثل أثنان من الأحياء الجديدة فى المدينة وذلك بإجمالي 11 ألف قطعة أرض جاهزة للتسليم كاملة المرافق و بالنسبة للطرق تم ضخ استثمارات خلال العام المالى الحالى بنحو 200 مليون جنيه وده بيمثل نحو نصف الاستثمارات اللي تم ضخها طول 33 سنة بقيمة 450 مليون جنيه حيث يتم حاليا توسعة مدخل المدينة الرئيسي بعرض مضاعف لإستيعاب الكثافات الحالية والمستقبلية مع توسعة جميع المحاور الرئيسية وأكد رئيس الجهاز أن المدينة يتوافر بها جميع الخدمات الصحية والتعليمية والترفيهية بجانب النقل والمواصلات حيث توجد محطة اتوبيس رئيسية ملحق بها كافتيريا وخطان نقل عام بإجمالى 20 أوتوبيسا  و250 ميكروباص 14 تعمل بخطوط العاشر من رمضان والقاهرة و60 سيارة سرفيس "فان" تعمل بالنقل الداخلى بالمدينة ويتم إستكمال الإجراءات مع محافظة القاهرة وإدارة المرور لدخول السرفيس للمدينة.

وعلي فكرة مدينة بدر من المدن اللي هتعمل طفرة في الخدمات وبالتلي طفرة في أسعار الوحدات السكنية والشقق والفلل بالأحياء السكنية بالمدينة لإنها تعتبر بمثابة الجندي المجهول اللي مفيش حد مركز معاه لكن بمجرد ما الشروق وهليوبوليس توصل نسبة الإشغال والعمار فيهم لدرجة معينة هتكون بدر هي اللي عليها الدور والعين زي ما حصل لما التجمع الخامس بقي أسعاره مبالغ فيها وبقي عمران بشكل كبير الناس بدأت تتجه لمدن موجودة من زمان بس محدش كان مركز معاها زي الشروق وهليوبوليس الجديدة لإنهم الأقرب للتجمع الخامس ومش ده السبب الوحيد اللي هو التطور العمراني الإجباري وإجتياحه لطريق السويس لكن في أسباب تانية متعلقة بمدينة بدر نفسها وهي إن أهلها وإن جهازها والحكومة بدأت تاخد بالها من المدينة دي والعين علي تطويرها بشكل كبير فلو أنت مش من الناس اللي مستعجلة علي السكن أو بتستثمر وعايز حاجة سعرها معقول ومش مستعجل علي إنك تكسب منها خلال الكام سنة اللي جايين يبقي بدر حل مناسب وجيد جدا مستقبلا هنفتكر الكلام ده وأكبر دليل إن هليوبوليس اللي باقت عروسة طريق السويس دلوقتي محدش كان يعرف عنها حاجة من سنتين تلاتة إنهاردة الأسعار فيها بدأت توصل لأرقام كبيرة جدا بالنسبة للشقق والفيلات والكمبوندات وحتي الميني كمبوندز اللي موجودة في المدينة وبشكل عام أي مدينة جديدة وبخاصة المدن الجديدة اللي موجودة علي طريق السويس بتكون إختيار موفق للسكن أو الإستثمار إنما إختيار مدينة بعينها بيكون علي أساس ظروف معيشة وعمل والظروف المادية لكل شخص يعني مثلا لو إنت شغال في بدر فهي هتكون الأقرب ليك في قرار الشراء ولو إنت عاوز أنظمة سداد طويلة شوية فهتتجه لهليوبوليس وبخاصة لو كنت من الفريق الأول اللي بيفضل عيشة الكمبوند أو المجتمع السكني المنغلق علي ذاته ولو أهلك في الشروق وعاوز تكون قريب منهم فالشروق أعتقد هتكون إختيار موفق وجيد بالنسبالك يعني كل واحد بيكون ليه ظروفه اللي بيها هيحدد إتجاهه والمكان اللي هيشتري فيه لكن طالما إختارت من البداية إنك تعيش في إحدي المدن الجديدة فده شئ جيد جدا في حد ذاته لإنك بكده بتختار مستوي أفضل لأولادك وخدمات أرقي وزحمة أقل وتنظيم غير موجود بالمناطق العادية .

 

ولتصفح العقارات بمدينة بدر إضغط علي الرابط التالي:

https://www.aqarsite.com/ar/Search?PropertyId=1&CityTableId=6&RegionTableId=112&RealEstateStatusId=1&PriceFrom=&PriceTo=&SpaceFrom=&SpaceTo= 

مدونات مشابهة
بما تتميز مدينة 6 أكتوبر؟

بما تتميز مدينة 6 أكتوبر؟

تتميز مدينة 6 أكتوبر بالعديد والعديد من المميزات التي تجعلها من أوائل المدن التي يتجه تفكيرك للإنتقال إليها ولكن قبل ما نتكلم عن مميزات مدينة 6 أكتوبر لازم نتعرف عليها:
خريطة احياء مدينة العاشر من رمضان

خريطة احياء مدينة العاشر من رمضان

مدينة العاشر من رمضان من اكبر المدن الصناعية العملاقة بمصر يتمثل سبب قرار انشائها في العديد من الاسباب من ضمنها خلق فرص عمل جديدة للشباب بإعتبارها مدينة تحتوي علي العديد من الصناعات وفرص العمل
الاندلس التجمع الخامس

الاندلس التجمع الخامس

منطقة الاندلس بالتجمع الخامس هي احدي المناطق الجديدة التي تم طرحها بقرعة الاراضي لسنة 2015 من جهاز تنمية مدينة القاهرة الجديدة وتعد من اميز مناطق التجمع الخامس من حيث التقسيم الداخلي والموقع العام وقربها من كل الخدمات ومناطق النوادي
ماذا قالو عن هليوبوليس الجديدة ؟ وماذا قلنا ؟

ماذا قالو عن هليوبوليس الجديدة ؟ وماذا قلنا ؟

هليوبوليس الجديدة هي المدينة التي تقع بجوار الشروق وأمام مدينتي وهي تبلغ 5888 فدان أي تقريبا نصف مدينة الشروق من حيث المساحة وتمتد بعمق 7كم من طريق السويس إلي طريق الإسماعيلية لإنها جغرافيا تقع ما بين طريق السويس جنوبا وطريق الإسماعيلية شمالا
مدينة حدائق الاهرام

مدينة حدائق الاهرام

مدينة حدائق الأهرام من المدن الجديدة التي تعتبر إمتدادا لمحافظة الجيزة ولمنطقة الهرم وفيصل والرماية وهي من المدن الجديدة الواعدة فهي قريبة للطريق الدائري وللطرق الرئيسية المختلفة ويميزها ايضا توفر كافة الخدمات بها